SHO‘RLANGAN TUPROQLARNI KIMYOVIY USULDA SOG‘LOMLASHTIRISH

Аннотация

Tuproq qishloq xo‘jaligining asosiy tabiiy resurslaridan biri hisoblanadi. Insoniyat oziq-ovqat mahsulotlarining katta qismini aynan tuproq orqali yetishtiradi. Ammo sug‘oriladigan hududlarda noto‘g‘ri yer va suvdan foydalanish natijasida tuproq sho‘rlanishi keng tarqalgan muammoga aylangan. Sho‘rlanish jarayonida tuproq tarkibida eruvchan tuzlar miqdori ortib ketadi va bu o‘simliklarning normal rivojlanishiga salbiy ta’sir ko‘rsatadi. Natijada hosildorlik kamayadi, yerlarning meliorativ holati yomonlashadi. Shu sababli sho‘rlangan tuproqlarni sog‘lomlashtirish qishloq xo‘jaligida dolzarb vazifalardan biridir. Kimyoviy melioratsiya usuli ushbu muammoni hal qilishda samarali yo‘nalish hisoblanadi