“SAB’AI SAYYOR” DOSTONIDA HUKMDOR SHAXSIYATI BADIIY TALQINI

Abstract

Mazkur maqolada Sab’ai sayyor dostonida hukmdor shaxsiyati va uning badiiy talqini masalasi tadqiq etiladi. Asarda Bahrom Go‘r obrazi orqali ideal hukmdor konsepsiyasi, adolat, davlat boshqaruvi va ma’naviy kamolot g‘oyalari badiiy-falsafiy ruhda yoritilgani tahlil qilinadi. Shuningdek, Bahrom syujetining Sharq epik an’analaridagi rivoji, uning Nizomiy Ganjaviy, Amir Xusrav Dehlaviy hamda Alisher Navoiy ijodidagi talqinlari qiyosiy jihatdan ko‘rib chiqiladi. Maqolada hukmdor obrazi nafaqat siyosiy hokimiyat timsoli, balki adolat, ma’rifat va ma’naviy barkamollik mezonlarini mujassamlashtirgan ideal shaxs sifatida talqin etilgani ilmiy asosda yoritiladi