AFORISTIK MIKROMATNLARNING O‘ZBEK NUTQ MADANIYATIDAGI LINGVISTIK AHAMIYATI

Abstrak

Ushbu maqolada aforistik mikromatnlarning o‘zbek nutq madaniyatidagi lingvistik ahamiyati tahlil qilinadi. Aforizm qisqa shaklda chuqur mazmunni ifodalovchi, semantik jihatdan zich va kommunikativ ta’sir kuchiga ega bo‘lgan mikromatn shakli sifatida o‘rganiladi. Maqolada aforistik birliklarning o‘zbek tilidagi ifoda imkoniyatlari, nutq madaniyatini shakllantirishdagi o‘rni, leksik tanlov, obrazlilik, ma’no ko‘chishi va pragmatik ta’sir xususiyatlari yoritiladi. Shuningdek, aforizmlarning maqol va matallarga yaqin jihatlari bilan birga, ulardan farqlanuvchi mualliflik, falsafiy umumlashma va individual uslub belgilari ham ko‘rsatib beriladi. Tadqiqot natijalari aforistik mikromatnlar o‘zbek tilining ixchamlik, ta’sirchanlik, obrazlilik va ma’naviy-estetik ifoda imkoniyatlarini namoyon etuvchi muhim nutqiy birlik ekanini ko‘rsatadi