TALABALAR TURMUSH TARZI VA UNING SALOMATLIKKA TA’SIRI

Annotatsiya

Mazkur maqola talabalar turmush tarzi va uning salomatlikka ta’sirini o‘rganishga bag‘ishlangan. Hozirgi kunda oliy ta’lim muassasalarida tahsil olayotgan yoshlar orasida kun tartibining buzilishi, noto‘g‘ri ovqatlanish, jismoniy faollikning pastligi hamda psixo-emotsional zo‘riqish kabi omillar keng tarqalgan. Ushbu holatlar esa ularning jismoniy va ruhiy salomatligiga sezilarli darajada ta’sir ko‘rsatmoqda. Maqolada talabalar turmush tarzining asosiy jihatlari — ovqatlanish madaniyati, gigiyenik ko‘nikmalar, uyqu rejimi va jismoniy faollik darajasi tahlil qilinadi. Shuningdek, sog‘lom turmush tarzini shakllantirishning muhimligi va uning profilaktik ahamiyati yoritiladi. Tadqiqot davomida zamonaviy ilmiy manbalar va gigiyenik tavsiyalar asosida muammo keng qamrovda o‘rganildi hamda talabalar salomatligini saqlashga qaratilgan yondashuvlar ko‘rib chiqildi