LUTFIY G‘AZALLARIDA KOSMONIMLAR VA ULARING SHARHI

Аннотация

Mazkur maqolada o‘zbek adabiyotining yirik vakili Lutfiy g‘azallarida uchraydigan kosmonimlarning onomastik xususiyatlari tadqiq etiladi. Tadqiqot jarayonida kosmonim tushunchasining onomastika fanidagi o‘rni, uning nomlash tizimidagi mavqeyi va tasnifi yoritilib, shoir g‘azallarida qo‘llanilgan kosmik nomlar leksik-semantik, nominativ hamda funksional jihatdan tahlil qilinadi. Lutfiy ijodida kosmonimlarning to‘g‘ridan to‘g‘ri va ko‘chma ma’nodagi qo‘llanilishi aniqlanib, ularning xususiyati, semantik yuklamasi va kontekstual ma’nolari asoslab beriladi. Shuningdek, kosmonimlarning g‘azal matnidagi poetik nutqni tashkil etishdagi o‘rni va onomastik birlik sifatidagi funksional imkoniyatlari yoritiladi