O‘SIMLIKLARNING BARG TUKCHALARINI MIKROSKOP OSTIDA KO‘RIB, ULARNING TURLARINI TASNIFLASH

Abstract

Mazkur tadqiqotda o’simlik barglarining epidermis qismida joylashgan tukchalar (trixomalar) mikroskop ostida o’rganildi hamda ularning tuzilishi, shakli va vazifalariga qarab turlari tasniflandi. Barg tukchalari o’simliklarning tashqi muhit sharoitlariga moslashuvida, himoya, sekretsiya va suvni saqlash jarayonlarida muhim ahamiyatga ega ekanligi aniqlangan. Tadqiqot davomida oddiy (bezsiz) va bezli, bir hamda ko’p hujayrali, yulduzsimon, tarmoqli va tikanli shakldagi tukchalar kuzatildi. Mikroskopik tahlil natijalariga ko’ra, tukchalarning tuzilishi va joylashuvi o’simlik turlariga xos morfologik belgi sifatida tasdiqlandi. Ushbu kuzatishlar botanika, anatomik morfologiya hamda ekologik sistematika uchun amaliy ahamiyat kasb etadi