AN’ANAVIY HAMDA RAQAMLI OAVDA REKLAMA FORMATLARINING SOLISHTIRMA TAHLILI

Аннотация

Reklama sanoati raqamli texnologiyalarning tez tarqalishi va an'anaviy ommaviy axborot vositalarining doimiy ta'siri bilan shakllangan muhim bir davrda turibdi. Mazkur tezisda an’anaviy hamda raqamli ommaviy axborot vositalarida qo‘llaniladigan reklama formatlari tahlil qilinadi. Reklama zamonaviy iqtisodiyot va marketing tizimining muhim tarkibiy qismi bo‘lib, u iste’molchilar bilan ishlab chiqaruvchilar o‘rtasidagi kommunikatsiyani ta’minlaydi. Texnologik taraqqiyot natijasida reklama shakllari sezilarli darajada o‘zgardi va internet platformalarining rivojlanishi raqamli reklama formatlarining ommalashuviga olib keldi. Tadqiqotda televideniye, radio, matbuot va tashqi reklama kabi an’anaviy reklama vositalari hamda ijtimoiy tarmoqlar, qidiruv tizimlari, banner va video reklamalar kabi raqamli reklama formatlari o‘zaro taqqoslanadi. Tadqiqot davomida auditoriya qamrovi, iqtisodiy samaradorlik, interaktivlik, maqsadli auditoriyani aniqlash imkoniyati va reklama natijalarini o‘lchash kabi mezonlar asosida tahlil olib boriladi. Shuningdek, zamonaviy reklama bozorining rivojlanish tendensiyalari ham ko‘rib chiqiladi