BACHADON MIOMASI: KONSERVATIV VA JARROHLIK DAVOLASH TAQQOSLAMASI

Abstract

Bachadon miomasi reproduktiv yoshdagi ayollarda eng ko‘p uchraydigan yaxshi sifatli o‘smalardan biridir. Ushbu maqolada bachadon miomasini konservativ va jarrohlik usullari bilan davolashning samaradorligi, afzalliklari va kamchiliklari taqqoslandi. Tadqiqot natijalariga ko‘ra, konservativ davolash kichik o‘lchamdagi va simptomsiz miomalarda samarali bo‘lsa, katta o‘lchamdagi yoki simptomatik miomalarda jarrohlik davolash yuqori samaradorlik ko‘rsatadi. Har bir davolash usuli bemorning yoshi, reproduktiv rejasi va miomaning klinik xususiyatlariga qarab individual tanlanishi zarur