MAQSUD SHAYXZODA IJODIDA TARIXIY XOTIRA

Аннотация

Mazkur maqolada Maqsud Shayxzoda ijodida tarixiy xotira masalasining badiiy talqini, uning milliy o‘zlikni anglash va avlodlar davomiyligini ta’minlashdagi o‘rni tahlil qilinadi. Shoir va dramaturgning tarixiy mavzudagi asarlari, xususan, “Jaloliddin Manguberdi” dramasi hamda tarixiy ruhdagi she’rlari misolida tarixiy xotiraning g‘oyaviy-badiiy xususiyatlari ochib beriladi. Adib ijodida tarixiy shaxslar obrazi, milliy g‘urur, erk va ozodlik g‘oyalari tarixiy haqiqat va badiiy to‘qima uyg‘unligida yoritiladi. Tadqiqot natijasida Maqsud Shayxzoda ijodida tarixiy xotira millat ma’naviy taraqqiyotining muhim omili sifatida namoyon bo‘lishi asoslab beriladi